Blog launch ni Jun Lozada mamaya

Jun Lozada

June 1 update: Nasa www.jlozada.com na ang blog ni Engr. Rodolfo Noel “Jun” Lozada. Ang una niyang post ay isang mensahe para sa kabataan.

Sana’y mapaunlakan ninyo ang paanyaya ng Bloggers’ Kapihan sa paglulunsad mamaya ng blog ni Jun Lozada — ang pangunahing saksi sa pagdinig ng Senado sa ZTE deal.

Gaganapin ito ala-una ng hapon mamaya sa Kape Tasyo sa 2nd Level Anonas Commercial Complex, Project 3, Quezon City.

Dadaluhan ang blog launch ng Bloggers’ Kapihan Crew at mga kaibigang bloggers. May libreng kape at wifi Internet connection sa Kape Tasyo, kaya’t makakapagsulat at makapag-post sa blog niya si Jun Lozada, at makakapag-live blog ang mga dadalo. Inaasahan din siyang magbigay ng talumpati.

Ang Bloggers’ Kapihan ay sinimulan ng ilan sa mga kabataang bloggers sa Pilipinas. Sa Bloggers’ Kapihan, maaaring pag-usapan ang iba’t ibang isyung kinakaharap di lamang ng Pinoy bloggers kundi pati ng lipunang Pilipino. Pagkakataon din ito upang magkita-kita at magkasama-sama ang mga blogger, na kadalasa’y sa Internet lamang nakakapagtalastasan.

9 Replies to “Blog launch ni Jun Lozada mamaya”

  1. Fjordz: Sorry medyo late kami nag-announce. Gaya ng sabi ni aajao, may blog launch ulit sa June 7, kay
    Among Ed naman. Bibiyahe tayo papuntang pampanga. 🙂

    aajao: Salamat sa tulong. Sana marami kang mahikayat. Hehe. 😉

  2. if jun is sincere about him doing good for his love to our country i dare him admit his own guilt in his past corruptions go to jail and while in jail write a book baka kumita pa siya ng malinis. then star opening can of worms of all the politicians he associated with

Leave a Reply