Biyahe At Kapwa

Biyahe At Kapwa

Sa biyahe, lalo na’t ikaw ay nasa pampublikong bus, hindi laging pansariling kaginhawahan ang dapat isipin. Sa bawat mong pagkilos, dapat ding isaalang-alang ang mararamdaman ng kapwa mo pasahero. Hangga’t maaari, huwag umutot. Mabaho ‘yan. Pero kung sadyang ‘di mapigilan, okay lang. Parang pagsuka rin ‘yan, mahirap kontrolin. May magagawa ba kami? Pero huwag na nating pag-usapan ang ututan at sukahan, di ka naman guilty diyan. Sa biyahe, mas okay rin sana kung di ka uuntog-untog sa balikat ng ‘di mo kakilala. Kadalasan kasi, nakakairita ‘yun. Pero kung sadyang antok na antok ka na, sige lang. Matuwa ka’t you’ve got a shoulder to lean on. Basta huwag ka lang maglalaway sa balikat o likod na sinasandalan mo. Pero may mga bagay na sobrang annoying pero pwede mong hindi gawin. Isa na riyan ang pagpapatugtog ng siguro’y bago mong walkman–hmm, di mo ba nabalitaang wala na sa uso ‘yan? Kung inaakala mong sobrang ok pare ang tingin sa ‘yo ng iba dahil may libreng radyo kang dala, sorry nagkakamali ka. Di lahat ng tao ay adik sa music mo! At nga pala, alam mo bang pwede kang gumamit ng bagay na isinasaksak sa tainga nang ikaw lang ang makarinig sa music mo? Earphones ang tawag dun!

0 thoughts on “Biyahe At Kapwa”

Leave a Reply