“A taste of things to come?” ‘Yan ang tanong ng Philippine Star sa istorya nito ngayong araw tungkol sa panghihiya ni Fernando Poe Jr. kay Sandra Aguinaldo ng GMA-7 kahapon.

Bilang bahagi ng kanyang pagsisikap na maibigay sa mga manonood ang pinakamagandang perspektiba sa kanyang pag-uulat, binalak ni Sandra na magsagawa ng “stand-upper” o pagre-report sa harap ng kamera na ang background ay si FPJ habang nagsasalita sa harap ng maraming tao. Karaniwan itong ginagawa ng mga TV reporter.

Pumuwesto si Sandra sa likod ni FPJ sa stage na punung-puno ng nagkakatulakan pa ngang mga tao at naghahanda na sa kanyang ulat nang bigla siyang lapitan ni FPJ at sabihang “Gusto mong magsalita?”

Napailing at napaatras na lang si Sandra. Pero sinabihan siya ni FPJ ng “Hindi nga, gusto mo yata magsalita. (Basahin ang buong kuwento sa report na ito ng INQ7.)

Si Sandra pa ang hinilingan nina Loren Legarda at Tito Sotto na humingi ng paumanhin kay FPJ.

Kinondena naman ng mga media groups gaya ng National Union of Journalists of the Philippines ang ginawa ni Da King.


Ederic Eder

Ederic is a Filipino communications worker in the telecom, media, and technology industry. He writes about K-dramas and Korean celebrities for Hallyudorama.

He used to be a social media manager for news at GMA Network, where he also headed YouScoop, GMA News and Public Affairs’ citizen journalism arm.

He was with Yahoo! Philippines for more than three years before returning to GMA Network, where he was also previously part of the News Research section.

Author posts
Related Posts