Ang katarantaduhang pumatay kay Tado

Arvin "Tado" Jimenez (DAKILA)Kabilang ang komedyante at aktibistang si Arvin Jimenez — mas kilala bilang Tado — sa 14 kataong namatay sa Bontoc, Mt. Province noong Biyernes matapos mahulog sa bangin ang sinasakyan nilang bus.

Ang biyahe ni Tado ay kaugnay ng isa niyang proyektong nagsusulong  ng pagkalinga sa kalikasan, ayon sa DAKILA Philippine Collective for Modern Heroism, isang organisasyong kinabibilangan niya.

Sa kanyang sariling paraan, nagsulong si Tado ng pagbabago sa ating lipunan. Pero minalas si Tado. Nabiktima siya ng katarantaduhang bumabalot sa sistema ng pampublikong transportasyon sa ating bansa. Napakarami nang buhay na kinitil ng katarantaduhang ito.

Noong 1995, kasama ang aking ina sa mga mga nasawi matapos masunog at lumubog ang Viva Antipolo VII sa pagitan ng Lucena at Marinduque. Ayon sa mga ulat, overloaded ang bapor nang ito’y masunog at lumubog. Kwestyonable rin daw ang kakayahan nitong magpatuloy na bumiyahe.

2011 nang mamatay si Chit Estella, propesor sa UP at dati naming managing editor sa Manila Times at editor in chief sa Pinoy Times. Binangga ng isang bus ang taxi na sinasakyan niya.

Nitong Disyembre 16  lang, isang bus ang nahulog mula naman sa Skyway sa Taguig. Hindi bababa sa 21 ang namatay. Luma na raw ang gulong ng nasabing bus.

Patong-patong ang mga reklamo tungkol sa pampublikong sasakyan sa ating bansa, lalo na sa mga bus. Sa papel lamang nakalahad ang mga patakarang pangkaligtasan. Walang seat belt ang ilang taxi. Luma na at di na dapat ibiyahe ang ilang bapor. Kulang ang safety jackets ang ilang bapor.  Sira ang gulong o walang preno ang ilang bus. Kulang sa kakayahan ang mga nagpapaandar ng mga sasakyan. Karamihan sa mga ganitong problema, nagpapatuloy at nabibisto lamang sa tuwing may aksidente at maraming mga taong namamatay.

May mga problema namang halata na, ngunit hindi pa rin mahanapan ng solusyon.

Sobrang dami ng mga bus.

May bus drivers na barumbado sa kalsada.

May bus at taxi drivers na 24 oras nagtatrabaho. Walang regular na sahod ang mga tsuper.

Parang sardinas ang dami ng mga tao sa MRT at LRT.

May mga tsuper na hindi sumusunod sa traffic lights.

Kailangan talagang subukan ng ilang matataas na opisyal ng pamahalaan ang pagsakay sa public transportation paminsan-minsan para maranasan nila ang katarantaduhang araw-araw na pasan-pasan ng mga karaniwang mamamayan.

Kung hindi maititigil ang katarantaduhang ito, baka marami pa ang matulad sa aking ina, kay Ma’am Chit, at kay Tado.

 

3 thoughts on “Ang katarantaduhang pumatay kay Tado

  1. The immediate approach has always been cancellation of franchise.. by theory, this kills the flow or at least a segment of the transport supply. But what’s the choice? If only the issues have been addressed accordingly.. really, what happened was preventable. Photos circulating around show there is not any crash guards that can potentially prevent a bus from falling down the ravine in the area where the accident happened.

  2. So now bro ! I believe all shit happens after 1986. We used to be a great country. What this F A’s did to this country. They’ve rubbed the future of a lot of future Filipino.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>