Adik

Hindi ko na maalala kung tatlo o apat na araw na ba akong umaga na natutulog. Umaga, na ang ibig sabihi’y lagpas nang ika-walo ng umaga. Medyo naiba kanina, dahil ika-apat pa lamang ay tumba na ako. Pero hindi ‘yan dahil sa kape. Lalong hindi dahil sa sex (ano ‘yun?) o kaya’y sa drugs!

Dahil sa Internet? Ah, magaling kang humula! Kilala mo na nga ako, ang cyberboy na wala nang buhay sa labas ng kanyang virtual na daigdig.

Oo, adik na naman ako sa Net. “At kailan naman naging hindi?” Siguro’y maitatanong mo. Oo nga naman. 1997 pa lamang, kumapal na nang husto ang resibo ko sa Sesinet, yung Internet cafe kung saan ko nakuha ang pinakaunang e-mail address ko, ang ederic[at]mailcity[dot]com.

Noong unang gabi ng pagpupuyat, pinilit kong makumpleto ang upload ng latest issue ng Tinig.com. Tapos ay pinasadahan ko naman ang hitsura ng Filipino Youth for Peace, at kagabi ay namasyal sa mga space ng aking cyberfriends, at nakipangapitbahay sa ibang online communities.

Naisara ko na si Marj kagabi–o kaninang madaling araw–at nagdesisyong magsimula nang magbasa ng aklat. Ngunit sa ‘di ko maipaliwanang na dahilan ay natagpuan ko na naman ang sarili kong kaulayaw ang aking computer, hanggang sa nililinlang na ako ng aking mga mata’t tila lumapit-lumayo, lumiliit-lumaki na ang tingin ko sa monitor. Saka pa lamang ako napahinto.

At oo, kagigising ko lang dalawang oras pa lamang ang nakalilipas.

0 thoughts on “Adik”

  1. Shit parang ako. Nalampasan ko na yan dati, nung nag-aral ako sa Baguio, tapos pagbalik ko dito sa Manila nagpakabit kami ng dsl. Mas malupit ang pagkababad ko ngayon.
    Mas magandang addiction ang sex at droga.

  2. nung nasa akron pa ako, pabanjing-banjing, online ako from 5pm hanggang 6 am the next day. ganun ako kalala noon. ngayon, na-minimize na, konting tipid. mahal ang per ora sa internet cafe. 🙂

  3. kung me regular na Internet access lang ako baka mas malala ako sa ‘yo! Sa dami ng mga anime hentai sites hehehehehe mmmmm hentai!!!!

  4. huli ka! natagpuan din kita :p para kang mumu na sumusulpot sa mga blogs ko :)talagang ganyan parang aktibismo, kaka adik ang pagpupuyat kitams tanda na ko puyat pa din. di din dahil sa sex (hay i wish..ano yun??) ingat plis

Leave a Reply