Blogging from home

May mga dalawang oras na mula nang makarating ako rito sa bahay namin sa Marinduque, pagkatapos ng may kalahating araw na biyahe. Umalis ako sa Kamuning around 8am: Jeep -> bus -> tambay sa port kasi naiwan ng barko -> barko -> jeep -> tricycle, at nakarating sa bahay around 8pm.

Nakahiga na si Nanay Diding nang dumating ako. Patulog na yata sila, pero nabulabog sa pagdating ng panganay niyang apo. Nung birthday pa niya earlier this year ako huling nakauwi. After kong ibigay ang mga pasalubong kina Nanay, kumain muna saka kami tumawag sa mga tiya ko sa Germany.

Sa ngayon, nakadapa ako sa banig na nakalatag sa sahig na kawayan ng munti naming bahay. Ayoko sanang magkulambo pero mukhang mapipilitan ako dahil nagpapakitang gilas na ang mga lamok. Tila gusto pa ngang makipag-agawan ng kanilang ugong sa huni ng mga kuliglig sa paligid.

Share ko lang: Dati’y pangarap ko lang siguro na balang araw ay magkakaroon ako ng Internet connection at makakapag-blog habang narito’t padapa-dapa nang ganito. Nagkatotoo rin. Salamat sa Yahoo! at sa Smart Bro! 😀

Continue reading

Bakit dapat mag-sorry?

Sana nga, totoong nagbibiro lang si Pangulong Cory Aquino nang mag-sorry siya kay Erap dahil sa naging papel niya sa pagpapatalsik sa dating pangulo noong EDSA 2.

Noong 2005, nang sabihin ni Tita Cory na pinagsisisihan na niya na nakatulong siya sa pagkakaluklok ni Gloria Arroyo sa puwesto, ganito ang bahagi ng isinulat ko:

Pero kahit naiintindihan ko ang feelings ng iginagalang na dating Pangulo, bilang bahagi ng People Power 2 ay wala akong pinagsisisihan. Katulad ng ipinaglalaban ng mga mamamayan sa mga pagkilos upang paalisin si Gloria ngayon, katotohanan at katarungan din ang sigaw natin sa EDSA at Mendiola noong 2001. Tumalikod sa interes ng masang kanyang ipinangakong pagsisilbihan — at kumita pa mula sa kanilang barya-baryang taya sa jueteng — ang noo’y nakaupong pangulo. Hindi mali at hindi dapat pagsisihan ang pagpapaalis sa kanya.

Ganyan pa rin ang paniniwala ko, kaya nga sumali ako sa grupong ito sa Facebook.

Bloggers' Kitaan (Singapore Edition) 2

Leonard, Ederic, Alex, Anna, and JR sa Clarke Quay

Leonard, Ederic, Alex, Anna, and JR sa Clarke Quay

Biyernes noon, isang araw bago mag-a-trese. Pagkagaling sa opisina, kumain muna ako, umuwi sa hotel, at pagkatapos ay sumakay na sa MRT papuntang Clarke Quay.

Ito na ang araw na pinakaaabangan ng isang segment ng Pinoy blogosphere sa Singapore (at least lima katao ang part ng segment na yun, hehe) — ang Blogger Friday Riot Night.

Naunang dumating sa kitaan sina JR at Anna. Pagdating ko, naghihintay na sila sa amin. Sabi ko, dahil late kami,mag-date muna sila, hehe. Naglakad-lakad muna kami para maghanap ng makakainan.

Maya-maya, nag-grand entrance na sina Leonard at Alex. Sinalubong sila ng banda (na may tatlo katao na walang dalang instrumento). Nagkasundo na rin sa kakainan. Hooters! Hooters! (Naalala ko tuloy ang paborito kong pelikulang Big Daddy ni Adam Sandler.)

Continue reading

Nung isang linggo…

Sa tradisyon ng sinaunang blogging, noong mas ginagamit itong personal journal (gaya ng ginagawa ni Jon), narito ang mga kuwento ko para sa nakalipas na linggo.

Matapos naming maligaw noong Martes, kinabukasan ay naganap ang malungkot na pangyayari sa kumpanya. Bakit ba laging may mga pamamaalam?

Kinabukasan, binusog ang sarili sa masarap na pagkain sa Pepper Lunch kasama ang isang katrabaho’t kaibigan. Hahanapin ko ang branch nito sa Maynila pag-uwi ko para makakain kami ni Mhay roon.

Continue reading

Nawawalasa Singapura

Sabi ko kanina sa Plurk at Twitter ko, may natutunan akong bagong language rito sa Singapore: Nawawalasa Singapura. Mas mas madali ito kaysa sa Bahasa Maynila. :p

Paano ko natutunan ito? Ganito kasi yun: nung uwian na, nagkasundo kami ng kasamahan ko na sumakay na lang ng bus. Usually, naglalakad lang ako. Mahilig kasi akong maglakad. Saka malapit lang naman. Pero naisip kong mag-bus na lang dahil may sakbit akong backpack at may bitbit na dalawang bag sa magkabilang kamay (Naalala ko bigla yung “bakuot na” saka “may sunong, may may kikik, may pasak pa sa puwit!” na sinasabi ng matatanda sa amin sa Marinduque).

Continue reading

What makes you proud to be Pinoy?

May tanong ang PinoyCentric.com para sa kanilang Pinoycentric and Avalon.ph Moleskine Giveaways: “What makes you proud to be Pinoy?”

Eto ang sagot ko:

People Power

Maraming dahilan para maipaglaki ang ating pagiging Pilipino — ang ating mga katangian, ang mga kababayan nating nakikilala sa buong mundo, ang ating kalikasan.

Isa sa mga pinakagusto ko ay ang ideya ng people power. Ini-invoke ang people power kapag nagbe-break down ang democratic institutions. Nai-describe ito nang maayos sa kantang “Handog ng Pilipino sa Mundo”:

Handog ng Pilipino sa mundo,
Mapayapang paraang pagbabago.
Katotohanan, kalayaan, katarungan
Ay kayang makamit na walang dahas.
Basta’t magkaisa tayong lahat.

Continue reading

Marky Cielo, 20

Marky Cielo bilang Zaido Green

Marky Cielo bilang Zaido Green

Pumanaw kanina ang artistang si Marky Cielo, ayon sa ulat ng Philippine Entertainment Portal.

Si Marky Cielo, 20, artista ng Kapuso Network, ay sole survivor ng Starstruck season 3 noong 2006. Bukod sa paglabas sa TV shows, magaling din siyang dancer.

Gumanap si Marky na Alexis del Mundo o Zaido Green sa palabas na Zaido: Pulis Pangkalawakan. Based ang Zaido sa istorya ng paborito kong Shaider, na sikat na sikat sa Pilipinas noong 1980s.

Nagluksa ang maraming Pinoy fans ng Shaider nang pumutok sa Pilipinas ang balitang namatay na si Hiroshi Tsuburaya, ang aktor na gumanap bilang Alexis o Shaider, noon pang 2001. Biyernes Santo noong 2002 naman nang gulatin ang bansa ng pagkamatay ng aktor na si Rico Yan habang natutulog.

Narito ang statement ng GMA Network, galing pa rin sa PEP:

Continue reading

Bloggers' Kitaan (Singapore Edition)

Aileen, Ederic, Alex, Leonard, at Jonas

Aileen, Ederic, Alex, Leonard, at Jonas

Habang narito ako sa Singapore, nababasa ko sa Plurk, Twitter at blogs ang sunud-sunod na EB ng mga blogger sa Pilipinas.

Siyempre, hanggang basa na lang ako ng posts at nood ng pictures. Inggit tuloy ako.

Pero naka-attend pa rin ako ng isang bloggers’ kitaan noong isang Sabado — dito mismo sa Singapura. Ako pa nga ang unang dumating sa venue. (Excited ba? Hehe) Nilakad ko lang kasi mula sa hotel. Naging “juicy blogger” tuloy ako.

Nakasama ko sa Plurk fiesta (food EB ng Plurk members) sina Aileen at Jonas at ang mga bagong kakulitang sina Alex at Leonard.

Continue reading