Boybastos.com noon, thepinoytube ngayon

Kung noon ay ay BoyBastos.com ang nais ipasara ni Senador Loren Legarda, ngayon ay thepinoytube.com naman ang target niya.

Isang concerned citizen daw ang nag-email sa opisina ng senador upang ireklamo ang paglalagay ng nasabing website ng iba’t ibang uri ng pornographic materials, pati yaong nambibiktima sa mga menor de edad, ayon sa ulat ng PinoyPress at GMANews.tv.

Sa oras na isinusulat ito ang latest videos sa thepinoytube.com ay ang mga sumusunod: “naglaro nang deldo”, “huli sa hagdanan”, “kinantot ang gf bilis”, “LUV MAKING”, at “reychellicious”. Ilan naman sa mga top-rated videos ang “Yummy Webcam Show”, “ganda_na_bata_pa_in_cam”, “I Love You Bhebhe Scandal”, “First time ni nene”, at “boardmate”. Hindi ko lang mapanood dahil wala akong account sa thepinoytube.com.
Continue reading

2007 bar exams results, lalabas na

Good luck sa mga kumuha ng bar exams noong isang taon. Lalabas na raw bukas os sa Sabado ang resulta. Ilan kaya ang magiging mga bagong abogado? Narito ang press release mula sa Supreme Court:

Results of 2007 Bar Exams Released Tomorrow or Saturday
By Annie Rose A. Laborte

The Supreme Court En Banc will meet tomorrow morning and decide whether the names of those who passed the 2007 Bar exams can be released tomorrow or on Saturday.

Continue reading

Si Janina San Miguel at ang misedukasyon ng Pilipino

Kuha ni Raymond Saldaña para sa Binibining PilipinasMula sa blog ni AJ, nalaman kong may petisyon na pala para palitan si Janina San Miguel bilang Binibining Pilipinas-World. Para sa maraming Pilipino, tila bukod sa boksing ay mga patimpalak ng kagandahan na lang yata — at ang husay sa pagsasalita sa English — ang pag-asa ng bansang ito.

Gustong palitan ng mga may-akda ng petisyon si Janina dahil sa kakulangan niya ng kakayahang mag-English, na nakita sa kanyang sagot sa question and answer portion ng Bb. Pilipinas 2008.

Continue reading

Valedictory address

Graduation season na naman. At dahil sa comment ni Eunice, magtatapos na valedictorian sa kanilang paaralan, at sa iba pang naghahanap ng talumpati para sa graduation, ibinabahagi ko ang talumpating binigkas ko sa Ipil National High School noong April 1995. Isinulat ito para sa akin ng isang tiya kong propesor.

Ang totoo, nagulat ako nang mabasa ko ang comment na nanghihingi ng valedictory address. Kako’y valedictorian siya, bakit kailangan niyang magpagawa sa iba? Pero nahiya ako sa sarili ko nang maalala kong hindi rin naman ako ang nagsulat ng speech ko noon bilang valedictorian ng klase. Hindi ko na maintindihan ngayon kung bakit kinailangan ko pang magpasulat ng talumpati na ako ang bibigkas.

Medyo weird na ngayon ang ilang bahagi kapag binabasa ko ang talumpati. Lalo na’t pagdating ko sa UP, kung saan wala na akong tagasulat ng talumpati, ay isa ako sa mga estudyanteng bumabatikos sa Philippines 2000.

Ang maipapayo ko kay Eunice at sa mga gaya niya, gamit ang ilang halimbawa gaya ng talumpati sa ibaba, at sa gabay ng tema ng pagtatapos nila, isulat niya ang sariling valedictory address. Magiging mas natural at mas totoo ang kanyang speech kapag ganoon — saka wala siyang mararamdamang hiya sa sarili balang araw.

Continue reading

Maria Magdalena

Posted by mobile phone:
Sa wakas ay natapos ko na ang pagbabasa ng aklat na The Gospels of Mary: The Secret Tradition of Mary Magdalene, The Companion of Jesus. Susulat ako ng review sa isang linggo.

Ayon sa Bibliya at sa Simbahan, si Maria Magdalena ay isang tapat na disipulo ng Panginoong Hesukristo.

Ngunit bakit ang salitang magdalena ay ikinakabit sa pagiging pokpok? May isinulat ako sa GMANews.tv tungkol dito. Basahin ang article ko tungkol kay Maria Magdalena.

Manny Pacquiao, wagi na naman!

Posted by mobile phone:
Nagbubunyi na naman ang bayan sa muling pagkakapanalo ng Pambansang Kamao. Nanalo si Manny Pacquiao laban sa Mehikanong si Juan Manuel Marquez sa Las Vegas, Nevada, USA. Si Pacquiao na ang bagong kampeon ng World Boxing Council superfeatherweight division.

Si Malu Fernandez at ang mga napakong pangako ni Gloria Macapagal-Arroyo

Para bang kulang pa ang lahat ng galit at panlalait na natanggap niya nang insultuhin niya noong isang taon ang mga OFW, muling humirit ang socialite at lifestyle columnist na si Malu Fernandez sa kanyang kolum sa Manila Standard Today. Ang binabanatan naman niya ngayon sa artikulong “The problem with blogging….” ay ang mga blogger at ang lumalawak na kilusan para paalisin sa pagkapangulo si Gloria Macapagal-Arroyo.

Sinimulan ni Malu ang kanyang bagong obra sa pagbanggit sa kontrobersyal na blog ng isang Australyanong umibig sa isang Pilipinong socialite na sa huli ay nang-onse raw sa dayuhang lover. Dahil sa blog na ito, naalala ni Malu na minsa’y naging “hot topic” siya ng Philippine blogosphere. (Napasama sa “The Most Popular Filipino Blog Posts of 2007” ng Basapa.com ang aking Malu Fernandez post noong isang taon.)

Para lang ipaliwanag na ang isinulat niya ay hindi tungkol sa dating isyu tungkol sa kanya, kinailangan na namang mang-insulto ni Malu Fernandez ng kanyang mga mambabasa: “To those of you who are mass/volume or dense (that’s the physics formula for density to those who are clueless) again, I repeat this is not a reaction toward my past actions.” Pagkatapos, ang blogging at bloggers na ang tinira niya:

But blogging, aside from Perez Hilton and the other big time bloggers (you know who you are) is for me a slacker job or a medium and pastime for lonely people to connect. Unless you’re in bloody Siberia or in a Gulag prison, try stepping outside your comfort zone and turn off the laptop or pc, you just might find some real live people to talk to instead of typing away in cyber space.

Continue reading

Kuwentong kotse

Note: This is a DigitalFilipino.com Club sponsored post for Honda.

Iniisip ko noon na — kahit type ko ang Honda Civic at nangangarap din akong makaupo sa isang BMW — na di ko kailangan ng kotse. Hindi ako masyadong intresado. Siguro dahil dati, kanggang hinihila lang ng kalabaw ang sinasakyan ko. Sapat na sa akin na medyo marunong akong magbisekleta. Ayoko sa motorsiko kasi masyadong delikado. At ang kotse naman, napakamahal — wala akong ibibili at makakadagdag pa ako sa polusyon.

Continue reading