Sunog sa Antipolo

Habang nasa Antipolo Cathedral kami kahapong hapon sa kasal ng dalawang kaibigan, may nangyaring sunog na ayon sa mga naroon ay dulot daw ng mga tangke ng LPG. Kaya pala may mga naririnig kaming pumuputok. May tumalsik pang piraso ng bakal sa may tapat ng simbahan. Napatakbo nga ako, eh. Eto ang kuha ko noong paalis na ang sasakyan namin:

Benazir Bhutto

Posted by mobile phone:
Nagulat, nalungkot at nabagabag ako noong isang gabi nang mabalitaan ko ang pagkamatay ng Pakistani opposition leader na si Benazir Bhutto, ang naging kauna-unahang babaeng prime minister sa Pakistan at sa alinmang bansang Muslim. Kilala si Bhutto sa pagsusulong ng demokrasya sa kanilang bansa. Sa kabila ng mga kaso ng katiwalian sa kanya–na di ko pa napag-aaralan ang istorya–nakakapanlumo ang pagkawala ng isang pinunong lumalaban sa mapanupil na liderato sa kanyang bansa.

Di ko maiwasang isiping kung titigil ang tayong mga Pilipino sa pagiging mapagmatyag, maaaring muli tayong umabot sa sitwasyong gaya ng sa Pakistan–may mapanupil na diktador at ang kultura ng karahasa’y nagpadali sa pagpaslang sa mga sumasalunga. Base sa kilalang katangian at naunang karanasan natin sa nakaupong puno ng bansa, di ba’t kung makakalingat tayo’y baka tayo magaya sa Pakistan?

Sa habag ni Bathala, huwag naman sana!

OFWs na nakulong sa Saudi, humihingi ng tulong

May mga kababayan tayong OFWs sa Saudi na nakulong dahil hindi ipina-renew ng kanilang amo ang kanilang working permit doon. Narito ang liham (na unang nai-post sa   Tsikot.com) ng asawa ng isang kasama nila na nauna nang nakalabas:

A group of OFWs are currently unjustly imprisoned in Saudi Arabia in Cel# 6 Simisi Main Office of Jawasat because their employer had failed to process their eqama (work permit).

The OFWs, a team of automobile designers headed by Enrico Salgado Luga (tsikot nick – ehnriko), was originally recruited by their employer to design and build a truck, a first for Saudi Arabia. They initially arrived there last August 30, 2006 for a six month contract and proceeded to work for their employer.

The employer was initially kind to the team and paid their salaries on time. However he apparently soon encountered financial difficulties as project components weren’t procured promptly, causing significant delay. The team consequently had to extend their stay. However he gradually started delaying payment of their salaries as well and has not paid them for the last seven months. Moreover, their working hours were also extended to the point they hardly were given time off to rest.

Continue reading

Maligayang Pasko!

Sa kabila ng kabi-kabilang kabalintunaan dito sa pugad ng ating luha’t dalita, nawa’y ang pagdiriwang natin ng araw ng kapanganakan ng ating Panginoon at Tagapagligtas ay magdala ng pag-asang magtatagumpay rin ang katotohanan at daratal din ang pagbabago at kapayapaang inaasam para sa ating bayan.

Maligayang Pasko sa inyong lahat!

Pantay-pantay raw

Hanggang alas-tres ng hapon lang daw maaaring bisitahin si Senador Trillanes Antonio Trillanes IV sa custodial center ng Philippine National Police. Hindi raw siya bibigyan ng special treatment ngayong Pasko. Para raw ito masigurong pantay-pantay ang pagtrato sa lahat ng mga nakakulong doon.

Pantay-pantay? May ganoon pang pagkukunwari! Para namang hindi pinatawad ang rehimeng ito ng isang convicted plunderer na kailanma’y hindi umamin sa kanyang krimen. At para namang hindi ipinuslit mula sa kulungan ang isang Amerikanong nanggahasa ng isang Pilipina.

Sabagay, ano nga ba ang bago?

Nasupalpal

Posted by mobile phone:
Tip para sa mga namimili ngayong Pasko: huwag basta-basta kukuha ng mga larawan ng mga paninda. Baka kayo masupalpal na gaya ko.

Sa isang nakalipas na entry ay binanggit ko ang mga kakaibang disenyo ng pambabaeng brand ng damit na Bayo–kakaiba dahil sa dami ng mga local brand na nagkukunwaring Stateside, may mga disenyo silang Proudly Pinoy na matatawag.

Napadaan kami kanina sa isang tindahan nila at nang tangkain kong kunan ang isang damit na may mga print ng monumento ni Rizal para mai-post dito, pinigil ako ng nagtitinda. Bawal daw kasi.

Akala ko sa mga museo lang bawal ang ganiyan. Sa mga tindahan din pala. Nasupalpal ako. Hindi kasi muna nagtatanong, hehe.

Gaya nang dati, ang naisip ko na lang: Kung ayaw nyo, e di huwag.

Tuloy ang laban ng mga magsasaka ng Sumilao

Mula Oktubre 10 hanggang Disyembre 10, nilakad ng mahigit 50 mga katutubo at magsasaka ng Sumilao ang may 1,700 kilometro upang hilingin kay Gloria Macapagal-Arroyo na ibalik at ipamahagi na sa kanila sa pamamagitan ng Comprehensive Agrarian Reform Program (CARP) ang 144-ektaryang lupaing inaako ngayon ng higanteng San Miguel Corporation (SMC).

Kahapon, pormal na nilang tinapos ang dalawang buwang martsa. Sa nakalipas na linggo kasi ay naglabas na ang Malakanyang ng kautusang muling nagpapasailalim ng pinagtatalunang lupain sa Comprehensive Agrarian Reform Program. Hinihintay na lamang ng mga magsasakang ipatupad ang atas na ito, na magbibigay-daan sa muli nilang pag-aari sa lupaing minana pa nila sa kanilang mga ninuno.

Pero alam nating lahat na ang taong nakipagkita at nangakong ibabalik sa kanila ang kanilang lupain–si Gloria Arroyo–ay kilala sa hindi pagtupad sa kanyang mga sinasabi. Bukod pa rito, matagal nang napapabalita ang kanyang posibleng pakikipagsabwatan kay Danding Cojuangco, pinuno ng San Miguel. Kaya sa kabila ng buong suporta ng Simbahang Katoliko sa mga magsasaka, itinuturo ng ating karanasan kay Arroyo na hindi pa tiyak ang tagumpay ng mga magsasaka ng Sumilao.

Continue reading

Maikling talumpati ng ina ni Cris Mendez

Nakuha ko ang talumpati sa ibaba sa blog ni Arbet at sa blog ni Marian Panganiban, ang kinatawan ng School of Economics sa University Student Council. Kumakalat na rin ito sa email at mga online forum.

Maikling Talumpati ni Gng. Cristina Garcia Mendez, ina ni Cris Mendez, sa National Conference to Stop Hazing noong Disyembre 11, 2007 *

Magandang umaga po sa inyong lahat.

Ilang linggo lang po ang nakakaraan ay nagtagumpay kaming buksan ang mga e-mails na natanggap ng aking anak na si Cris Mendez bago siya pumanaw noong August 27, 2007.

Isa po sa mga huling e-mails na natanggap niya ay may petsang August 22, 2007 na ang title ay “Sigma Rho Tenets.” Galing po ito sa isang nagngangalang Jj Ocana na sinabi niya sa anak ko na memoryahin daw ng anak ko ang mga tenets ng Sigma Rho at idinugtong niya na “see you on saturday. we are looking forward to having you as a brod.”

Continue reading

Mga naisip habang nasa mga mall

Kahapon, namili kami ni Mhay sa Trinoma ng ilang pangregalo. Kanina naman, sa Gateway kami. Narito ang ilang random thoughts ko habang nagmo-malling at comments tungkol sa ilang produkto at brands. Dapat ay imo-moblog ko, kaso baka matalisod ako habang nagta-type sa Treo ko, kaya tinandaan ko na lang.

  • Concerned ang pamunuan ng Landmark o Trinoma sa customers nila. Ihinahatid ang mga mamimili hanggang sa sakayan ng taxi at istriktong binabantayan ng mga gwardya ang pila sa taxi para masigurong maayos na makakasakay ang customers.
  • Marami talagang mapagpipillian sa Landmark.
  • Mahina ang aircon sa Bench stores, lalo na sa Gateway branch. Ilang minuto pa lang kaming tumitingin ng mga damit, pinagpapawisan na ako at kailangang tumapat sa electric fan.
  • Pero asteeg yung eco-friendly bag nila in gold and silver. P35 lang. Napuna at nagustuhan nga ng mga taga-Dickies. Continue reading