Crash

Ngarag sa office kahapon. Nagulat at nalungkot kami sa isa na namang aksidente. Isang helikopter ng Philippine Air Force ang bumagsak at siyam ang napatay, kabilang si dating Phivolcs director Raymundo Punongbayan.

Kinailangang maghanap ng profile ng mga biktima at mga datos tungkol sa military aircraft ng ating tanggulan. Noong bandang hapon ay naatasan akong itala kung alin sa mga modelo ng aircraft na nasa listahan ang eroplano at alin ang helikopter. Naalala ko ang kaibigan naming si Timothy. Kako’y mas naging madali sana ang trabaho ko kung puwede ko siyang tawagan at kulitin tungkol sa mga eroplano at helikopter. Continue reading

Juliet Chavez

Image hosted by Photobucket.comNoong isang gabi, dumalaw sa GMA Network Center si Juliet Chavez, ang umano’y kauna-unahang Agta o Dumagat na sumali at nanalo sa beauty pageant. Sinamahan siya ng reporter namin na si Dan Campilan at ipinakilala sa mga Kapuso. Tulad ng mga reporter, manunulat, at iba pang katrabaho, nagpakuha rin ako ng larawan kasama si Juliet.

Nauna nang nakita ng personal ni Juliet si Angel Locsin. Dumalo siya sa pagdiriwang ng kaarawan ng sikat na artistang gumanap na Darna. Continue reading

Luksa sa Opisina

Balot ng kalungkutan sa newsroom ng GMA-7 ngayong linggong ito. Pumanaw kasi sa isang aksidente ang isa sa mga video editors namin na si Reden de la Merced. Inaalala siya ng mga kasamahan naming malapit sa kanya.

Ayon kay Angel, “The angels grew sad and called him to play.”

“Friday nights, Saturday mornings, Edit 5, the gazebo… they’ll never be the same again,” sabi naman ni Koryn. Continue reading

Namimigay ng Gmail invites

Hindi ko na malaman kung kanino ipamimigay ang Gmail invites ko. Andami kasi. Laging nababalik sa 50 kapag binabawasan ko. Kaya ibabahagi ko naman sa mga mambabasa kong wala pang Gmail address.

Just post a comment below and I’ll send you an invitation to create a Gmail account.

May ID Ka Ba?

Nitong mga nakalipas na araw, muntik-muntikan kong malimutan ang ID ko sa bahay.

Abala kasi sa opisina dahil ibinabalita namin ang pagluluksa ang mga Pinoy sa pagpanaw ni Papa Juan Pablo II. Tumutok din tayo sa Vatican at nag-antabay sa mga pangyayari doon, hanggang sa maibalita ang pagkakapili kay Cardinal Ratzinger na ngayo’y Pope Benedict XVI na.

Natulig din tayo sa patuloy na pagtaaas ng langis at nag-abang din sa kahihinatnan ng VAT bill sa Senado. Habang nagaganap ang lahat ng ito, may niluluto na pala ang Palasyo. Continue reading

Habemus Papam!

Image hosted by Photobucket.com Si Cardinal Joseph Ratzinger ng Germany ang bagong Santo Papa. Pinili niya ang pangalang Benedict XVI.

Narito ang kanyang official biography mula sa Vatican Information Service:

VATICAN CITY, APR 19, 2005 (VIS) – Following is the official biography of the newly elected Pope Benedict XVI, Cardinal Joseph Ratzinger:

Cardinal Joseph Ratzinger, former prefect of the Congregation for the Doctrine of the Faith, President of the Pontifical Biblical Commission and of the International Theological Commission, Dean of the College of Cardinals, was born on April 16, 1927 in Marktl am Inn, Germany. He was ordained a priest on June 29, 1951. Continue reading

Juan Pablo II ang Dakila: Kaibigan at Idolo ng Kabataan

Isa ako sa mga pinalad na makita nang may kalapitan–bagamat ilang saglit lamang–si Papa Juan Pablo II noong ginanap ang World Youth Day sa Maynila sampung taon na ang nakalipas. Nakasakay noon ang Santo Papa sa kanyang Pope mobile.

Sang-ayon ako sa sinasabi ng marami tungkol kay Pope John Paul II: tila may taglay siyang liwanag na sumisinag sa lahat ng mga nakakakita sa kanya. Ang liwanag na itong bumabalot sa Santo Papa ay naghahatid ng banal na ligaya at nagbibigay ng pakiramdam na natunghayan mo ang Diyos. Hindi kataka-taka, sapagkat ang isa sa mga tawag sa Santo Papa ay ang Kinatawan ni Kristo at kahalili ni apostol San Pedro, itinalagang lider ng Simbahang itinatag ni Kristo.

Ngunit sa kabila ng kanyang mataas na katungkulan bilang pinuno ng Simbahang Romano Katoliko, si John Paul the Great ay nangungunang halimbawa ng pagiging mapagpakumbaba. Ang kanyang pagiging mapagpatawad at pagdamay at pagmamahal sa sangkatauhan nang walang pagtangi sa lahi at pananampalataya ay halimbawa rin ng maka-Diyos na katangian.

Alam na ng lahat–base sa mga kuwento ng mga taong nagtrabaho nang malapit kay Juan Pablo II–ang kanyang payak na pamumuhay. Ayaw niya sa luho at simple ang kanyang mga personal na pananamit. Tumanggi rin si Juan Pablo II na buhatin siya sa tradisyunal na silyang trono ng Santo Papa. Kahit noong maysakit at mahina na siya, sa abot ng kanyang makakaya ay pinilit niyang gumalaw nang hindi binubuhat. Continue reading

Tara, Project 2 Tayo!

Image hosted by Photobucket.comNagustuhan n’yo ba ang e-book naming “Warm Bodies: The Kris Aquino Complex”?

Puwede ka na ring maging bahagi ng pagbubuo ng susunod na e-book. Narito ang mechanics:

Mechanics:
Warm Bodies: Project 2 will be a blogger-get-blogger program. Bloggers will nominate a fellow blogger’s post URL based on the theme “Change.”

The following points should be kept in mind: Continue reading

Nang Dahil sa PageRank

Kanina pa ako namamasyal sa mga kapit-blogs ko. Ipinagkakalat kong ang ederic@cyberspace ay nasa www.ederic.fil.ph na.

Gusto kong maganti dun sa dumale sa dating domain name ko na ederic.net. Porke mataas ang PageRank, pinag-intresan para mapagkakitaan. Dinaan sa paramihan ng pera. Ngayon, ang aim ko ay maalis sa Internet kahit 90% lang ng links papuntang ederic.net. Tingnan natin kung i-renew pa ‘yan ng mga lokong ‘yun kapag 0 na ang PageRank. Aminado akong natukso rin akong pagkakitaan ang domain dahil sa PageRank nito nung broke na broke ako. Pero in the end, nanghinayang din ako. Pero dahil nga nangyari na ito, abangan ko na lang na ito’y maging available ulit.

At para sa mga nagtataka kung ano ba ang PageRank na ipinagmamarakulyo ko rito, daan kayo rito o sa link na ito.

Nasungkit 'yung Ederic.net

Sad naman. May nakabili na pala ng domain name kong ederic.net. Hindi ko kasi nabayaran agad. Ganun din ang nangyari dati sa ederic.com. Wala akong magagawa kundi manatili rito sa www.ederic.tk o kaya naman ay ilipat ang ederic@cyberspace sa www.ederic.fil.ph, na ngayo’y pinaglalagakan ko ng Titik ni Ederic, koleksiyon ng mga isinulat ko.

Daan pala kayo sa Tinig.com–kaka-update ko lang. Sana ‘di mabili ng iba ang Tinig.com domain kapag nag-expire ito. Ahh, ‘di ko dapat hayaang mag-expire. Ang hirap maging mahirap pero nangangarap na ang domain names ay manatiling hawak.